Azərenerji ASC Laboratoriya Mərkəzi

Laboratoriya Mərkəzi 20 aprel 2020-ci il tarixində Prezident İlham Əliyevin iştirakı ilə açılışı həyata keçirilmişdir. Fəaliyyətə başladığı gündən etibarən sınaq, kalibrləmə, analiz və monitorinq xidmətləri sahəsində etibarlı tərəfdaş kimi fəaliyyət göstərir.

Laboratoriya Mərkəzi fəaliyyətini beynəlxalq keyfiyyət standartlarına uyğun quraraq sınaq və kalibrləmə nəticələrinin dəqiqliyini, etibarlılığını və izlənilə bilənliyini təmin edir. Mərkəzin laboratoriyaları AZS ISO/IEC 17025:2020 standartının tələblərinə uyğun akkreditasiya olunmuş fəaliyyət göstərir.

“Azərenerji” ASC-nin Laboratoriya Mərkəzi ölkənin enerji sisteminin dayanıqlılığını təmin etmək məqsədilə regionlarda test-diaqnostika və yüksək gərginlik sınaqları həyata keçirir.

Laboratoriya Mərkəzinin regionlardakı fəaliyyəti, ölkənin enerji infrastrukturunun modernləşdirilməsi və regionlardakı elektrik stansiyaları ilə yarımstansiyaların işinin optimallaşdırılmasına xidmət edir.

Müasir texnologiyalar, peşəkar mütəxəssis heyəti və innovativ yanaşmalar vasitəsilə enerji, sənaye və infrastruktur sahələrinin dayanıqlı inkişafına töhfə verməyi hədəfləyirik. Laboratoriya Mərkəzi olaraq əsas məqsədimiz müştərilərimizə yüksək keyfiyyətli, dəqiq və operativ laborator xidmətləri təqdim etməklə onların fəaliyyətində təhlükəsizlik, etibarlılıq və səmərəliliyin artırılmasına dəstək olmaqdır.